Diadomingo, 13 di november, e prome evento di Buki Bum 2011 lo tuma lugar na Centro di Bario Piedra Plat. E aña aki Fundacion Papiamente ta inclui 1 ora extra tur diadomingo. Download e poster 2011 y haña sa mas di proyecto Buki Bum... Aki!
"Mi yiu no ta gusta lesa. Con mi por stimul'e pa haci esaki?"
"Un baby no ta mucho chikito ainda pa buki?"
Pregunta y contesta tocante lesamento... lesa mas!
FUNDA
27 di october, 2004
META PRINCIPAL
Promove e placer di lesamento na Aruba
TEAM
Albert Braamskamp
Indra Anthony - Pereira
Liliana Braamskamp - Erasmus
Joanne Figaroa
Yolandie van Barrelo
Vision:
- traha conhuntamente cu organisacion y instancia cu ta ocupa nan mes cu promocion di lesamento. Institui y construi un red di comunicacion nacional y internacional.
- mantene contacto cu scol, fundacion, instancia di enseñansa y gobierno, banda di biblioteca, libreria y editorial.
- organisa campaña pa concientisa grandi y chikito riba e esencia di lesamento.
Grupo di enfoke:
E grupo di hoben entre 0 pa 18 aña dividi den: (1) esnan di periodo preescolar,
(2) esnan den scolnan basico, (3) esnan den enseñansa avansa.
Metanan:
- promove e placer di lesamento y e amor pa buki.
- promove interes pa y conocemento di literatura, specialmente di nos propio tera.
- stimula desaroyo di iniciativa nobo y inovativo, metodo y instrumento cu un efecto promotor pa lesamento.
- sostene, guia y educa escritor principiante.
- implementa y/of laga implementa tramitenan y actividadnan comercial relaciona cu tur loke a menciona anteriormente y adkeri fondo pa financia tur esaki.
Tocante Buki Bum
Buki Bum ta un programa cu ta promove lesamento for di 0 aña bai ariba, dunando mayornan e hermentnan pa por disfruta di buki hunto cu nan yiunan, y mas trempan posibel.
E motivacion tras di e iniciativa aki ta: mas trempan un mucha yega den contacto cu buki, mas bentahoso su desaroyo na scol lo ta - dunando e mucha un adelanto pa henter su bida. Wak un buki hunto, apunta y nombra ilustracion, siña rima, conta y scucha storia, tur esaki ta ademas fortalece e laso entre mayor y yiu.
Tocante Bookstart
Buki Bum a wordo inspira dor di e programa nacional di lesamento yama Bookstart na Inglatera, unda mayornan ta ricibi pakete di buki regalo, prome cu nan yiu cuminsa bai scol preparatorio. Investigacion ta mustra cu muchanan cu a beneficia di e proyecto Bookstart, ta cuminsa scol cu un bentaha pa locual ta trata lesamento y idioma. Anto nan ta sostene e bentaha aki durante henter nan carera escolar.
Aruba tambe ta forma parti di e reto internacional aki, repartiendo buki, conocemento y e placer di lesamento na tur mayor cu yiu chikito, por medio di e proyecto Buki Bum.
Puntonan di salida
E proyecto Buki Bum conoce 4 punto di salida:
Mayor y yiu ta disfruta di buki hunto
Buki Bum ta pa tur mucha di 0 te cu 5 aña
Muchanan mester ta registra via Wit Gele Kruis Aruba y
tin un kaarchi di AZV
Tin colaboracion entre organisacionnan cu ta trata e grupo
preescolar
Pakete Buki Bum 2011
Completamente gratis!
Buki di prenchi
Buki di cantica
Buki di conta
CD cu cantica
Foyeto cu Tips tocante Lesamento
Coupon di descuento riba buki
Marcapagina
Bumper sticker
Buki Bum tattoo
Y mas sorpresa...
Buki Bum 2011
Canta Cu Mi
Complicacion: Mirugia de Cuba
Areglo musical: Martin
Buitenweg
Buki di cantica cu ilustracionnan colorido y notanan musical, ta inclui CD
Di 1 te 10
Autor y ilustrador:
Ariadne Faries
Buki di conta cu ilustracionnan atractivo y cu un storia scondi riba cada pagina.
Nano y Nena
Autor: Liliana Braamskamp - Erasmus
Ilustrador: Daniëlle Schothorst
Buki di prenchi cu ta trata e tema amistad, cu personahenan di e serie di Nano e Enano y ilustracionnan cu nos muchanan por identifica nan mes cu nan.
Pakete Buki Bum 2010
Buki di poesia y rima
Buki di alfabet
CD cu cantica y rima
Foyeto cu Tips di Oro
Buki Bum 2010
Buchi Beer
Autor: Desiree Correa
Illustrador: Ivirgna Hernandez
Buki di prenchi tocante un beer di peluchi masha stima cu kier sa pakico su amigo Sito ta blo lesa buki y no ta hunga cune mas.
Sigui Rima rond di Aruba
Autor: y illustrador: Liliana
Braamskamp-Erasmus
Di 3 y ultimo edicion di 'Rima rond di Aruba' cu poesia pa mucha den forma di rima, cu ta conta y ilustra Aruba su naturalesa, custumber, tradicionnan y hopi mas...
CD Sigui rima rond di Aruba
Letra: Liliana Braamskamp - Erasmus
Bos principal: Rachel Kraaijvanger
Produccion: Genuine EagleZ Production (Zulaika Geerman) y
Earthwalk Studios (Martin Buitenweg)
Buki Bum 2009
CD cu cantica di mucha na Papiamento
Tas di buki fuerte
Ratoni
Autor: Roland Peterson
Illustrador: Lara Kuiperi
Buki di prenchi tocante un raton chikito cu ta masha kaweta y
pesei e ta haya su mes den
problema grandi.
Rima rond di Aruba
Autor y ilustrador: Liliana
Braamskamp - Erasmus
Buki di poesia pa mucha den forma di rima, cu ta conta y ilustra Aruba
su naturalesa, custumber y
tradionnan y hopi mas...
Mi Prome Buki di ABC
Autor y ilustrador: Liliana Braamskamp - Erasmus
Buki cu ta introduci e alfabet
den forma di rima y cu ilustracion
colorido cu e muchanan di Aruba
por identifica nan mes cune.
CD Rima rond di Aruba
BukiBumPoster2011.pdf
Rapport Leesomgeving van Kinderen op Aruba 2009[1].pdf
BukiBumTipsdiOro.pdf
BukiBumKleurplaat.pdf
Tocante Lesamento
Bisa un mucha con importante ta pa e lesa of con dushi un buki ta, no ta suficiente. Un mucha mester experencia e sentimiento aki. Si abo - mayor of educador - ta gusta lesa y bo kier comparti esaki cu bo yiu, nieto of alumnonan, e chens ta grandi cu bo lo contagia nan cu bo entusiasmo.
Haci e momentonan cu bo ta lesa den bos halto mas special ainda, dor di scohe buki segun edad, interes, temporada o circumstancia. Sa bon ken bo ta lesa p'e y con bo por gara y mantene su atencion. Pero, mas importante ainda... disfruta di e momentonan aki hunto y pasa dushi lesando!
Tocante buki y baby
Pa un baby ainda no ta exisiti diferencia entre un buki y un coi hunga: e kier descubri na su manera, con pa sinti, chupa, tira algo. Un buki di baby mester wordo traha di un forma resistente na un baby su entusiasmo pa explora.
Buki di tela, plastic of carton diki ta adecua. Tambe tin buki masha leuk cu ta habri na tur sorto di manera (uitklapboeken), buki cu ta zona y cu diferente structura. Buki di palo por ta peligroso, mescos cu buki cu tin artefactonan los na dje, manera kraalchi. Un baby por haci su mes daño of por hinca algo los y peligroso den su boca.
Lesa den bos halto
Canta, conta y lesa den bos halto cu bo yiu...
Ta crea momentonan agradabel y special.
Ta desaroya su sentido di idioma den forma di wega.
Ta amplia su mundo for di chikito caba.
Ta yud' e procesa impresion y sentimentonan nobo.
Ta stimula su fantasia.
Sorto di buki
Cu ta ideal pa lesa den
bos halto...
Buki cu...
Texto cu ta zona bon den horea: cu frasenan
no mucho largo, ni complica.
Variacion den uso y zonido di palabra.
Un uso rico di idioma, pa asina e por inspira y deleita.
Storia cu tin structura bon cla: e eventonan ta sigui otro den un secuencia logico.
Storia cu ta stimula participacion: pa pensa, pa
sinti, pa combibi hunto.
Storia cu ta ofrece variacion den tono y volumen di bos: dialogonan realistico ta haci e uso di diferente bos mas facil.
Humor y tension ta wanta e atencion mas largo y ta haci un storia mas accesibel.
FOMENTACULTURAlesa.doc
PR10tipsvakantie.doc
Pa mas informacion
tocante
Buki Bum 2011...
Tuma contacto cu
Fundacion Papiamente
awe mes!
fundacionpapiamente_hotmail.com
Aki bo por lesa diferente
comunicado cu a wordo
publica durante
Buki Bum 2009:
PRBukiBumIntro.doc
PRBukiBumcampaign.doc
PRBukiBumPiedraPlat.doc
PRBukiBumLagoHeights.doc
PRBukiBumNoord.doc
Buki Bum 2010:
PRESS RELEASEkick-off.doc
